Gattu curzunaru
tu chi me venie a truvare
ogni jurnu e nun me parrave,
culli occhiuzzi virdi
na sfinge me parie,
cussì chi un capiscia mai,
chi te passava
pe’ chilla capuzza grassa.
‘E nasche tue eranu tutte signate
de ‘e guerre chi facie
quandu ere ‘namuratu
e le gatte belle
grasse grasse te facianu
nescire pazzu..
Gattu curzunaru
un te viju chiù
quandu mi nde tuarnu alla casa.
Gattu curzunaru ti ‘nde isti pe’ l’ultima vota
e mo cumu fazzu senza ‘e tie
chi me facie sentire cussì ciuatu
ogni vota chi me guardave
saviu comu chill’uamini
chi ndanu fatte e patute tante:
cani, vurpi, atri gatti malandrini,
uamini malanimi, viatti e vecchie cattivelle,
tu ‘nda vistu e ‘na passate
cussì tante ch’iu un sugnu
nente davante ‘e tie.
E mo chi un ce si chiù te chiangiu,
e pianzu a tutte chille carezze chi ‘un t’haiu fattu,
a chilli piazzi de sazizza chi un taiu datu,
o a chille vote chi pe’ schearzu te facia spagnare.
Gattu curzunaru tu mè scusare
e si te viju ancora sornione
cu chilli baffi da moschettiere,
signu sicuru chi ancora me vue bene,
Gattu curzunaro sempre te pianzu
e ‘n grazia alla madonna te consignu.
Il poeta non è altro che un canale, un medium per l'infinito, che si annulla per fare posto a forze che gli sono immensamente superiori e, per certi versi, persino estranee. D'altra parte chi sono io di fronte al tutto, ma al contempo, cosa sarebbe il tutto senza di me?
